أسمــع ترآ الجوال ماهًوٍَب َمٌقطُوٍع..

الســلا علــيكم ورحـمه الله وبــركــاته

ياللي وراك ظلوع ومن دونك ظلوع

متمركزٍ فالصّدر كنّك ... وداعه

ودّي اناقش مع سعادتك .. موضوع

وابغاك تعطيني فقط " نص " ساعه

صار اتصالك في من اسبوع لاسبوع

حرّمت وصلك .. وإستبحت القطاعه

وتغيّرت فيك إنطباعات .. وطبوع

وتجدّدت في نظرتك لي ... قناعه

عيّشتني في كل مرغوب ممنوع

وحرمتني من كل .. سمعاً وطاعه

وعلّمتني إن الجفا له كذا نوع

وإن الهجر بالذّات اكثر بشاعه

اوّل تجي يمّي من الشّوق مدفوع

ومَـاحلى من المشتاق غير إندفاعه

إن غبت عنك تصيح ودموعك دموع

مافيك لالصّبر الجميل .. إستطاعه

مجنون فيني و " القلم " عنك مرفوع

همّك رضاي ومجتهد .. فإتباعه

واليوم .. لا حبل الرجى فيك مقطوع

مشيت درب اللّفلفه واللّكاعه
واللّي تسبّب في تغيّرك .. مجموع

عدم ثقه فيني .. وبث الإذاعه

خل الكلام اللّي من الكذب .. مصنوع

وإخذ الكلام اللّي تذوق إنتفاعه

ماكل هرج يمر " اذانيك " .. مسموع

اربع ارباع اللّي يمرّك إشاعه

لو الحكي بفلوس او شيك .. مدفوع

يمديك ضامي لالكلام .. وسماعه

ياشينها لاجاتك " همومك ".. جموع

ولاعاد عندك لالمواجه .. شجاعه

وياشينها لو كان لك حق مشروع

واقربهم لقلبك سعى في ضياعه

هذا الكلام الليّ من القلب .. مطبوع

إقرا كلام القلب وشوف إنطباعه

وإسمع ترى الجوّال ماهوب مقطوع

شغّال له أربع وعشرين ساعه أسمــع ترآ الجوال ماهًوٍَب َمٌقطُوٍع.. Biggrin

أسمــع ترآ الجوال ماهًوٍَب َمٌقطُوٍع.. Biggrin