To Be Or Not To Be

أكون أو لا أكون
 
الرئيسيةبحـثالتسجيلدخول

شاطر | 
 

 من وين خذيت إيميلي

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
همسة شفايف
عضو خيالي
عضو خيالي


عدد الرسائل : 2510
العمل/الترفيه : للاسف طالبه
المزاج : عن جد ملانه و مالي خلق شي :(
تاريخ التسجيل : 20/09/2008

مُساهمةموضوع: من وين خذيت إيميلي   الأربعاء يناير 07, 2009 10:20 am

بسم الله الرحمن الرحيم

كانت أم الشباب جالسة تتصفح الإنترنت .. وطبعاً الماسنجر شغال .. وفجأه جاتها رساله عباره عن إضافه

علطوووووووول ما كذبت خبر , و إختارت (( مواااااااافق ))

ويطلع لها واحد لزقة
الظاهر ساكن في مقهى إنترنت وكل يوم نفس السؤال تسأله

من وين جبت إيميلي ؟؟

ويقول لها : وصلني عن طريق إيميل من إيميل


و ماصدقته وكل يوم تتطاق هي وياه : قلي من إللي مرسلتك علي ؟

وهو يحلف : والله محد أرسلني يابنت الناس وعلى هالحالة كل يوم ...
طبعاً هي تقدر تصلح له بلوك بس ماتبي .. ليش ما أدري .. هذا إلي قاهرني !!

بعدها بفتره حست بالملل من تكرار نفس الطريقة معاه وقالت ليه ما أشوف وش وراه ؟؟
وردت عليه السلام لإن بالعادة كل يوم هو يسلم وهي تطنش !!

على فكره .. أنا مايقهرني إلا إذا أضافني واحد ودخل بدون مايسلم وعلى طول مين معاي ؟؟

المهم مع الوقت إكتشفت إنه ولد أخلاقه عاليه ومحترم لآخر درجة

صارت هي وياه سوالف كل يوم وأنواع الهبال وصار يعرف عنها كل شي حتى إسمها ورقم فنيلة أخوها

ويوم من الايام اختفى عن الماسنجر وماجاء ؟

غريبه وينه مو من عوايده .. هو عليه شبكه عنكبوت من كثر ماهو مرابط على الجهاز !!
وبعدين ماعطاها خبر انه بيسافر او بيغيب لظرف !!

بعد فتره طلع لها على الماسنجر وقال : انا كنت تعباان وماقدرت افتح النت ..

قالت له البنت : وليه ماحاولت ترسل لي ؟.. انا تعبت من التفكير وقامت الهواجيس تلعب براسي ..

قال: تبين الصدق يابنت الناس ؟

قالت: اكيد ؟

قال انا كنت ابي اشوف غلاتي عندك وانتي بتفتقديني أو لا ؟

البنت ضاق صدرها من طريقة تفكيره ...

وقالت : ماتوقعتك كذا تستهبلني ..


وزعلت عليه وهو يراضيها ويحلف لها انه يحبها ومو قصده يزعلها
وحتى انه ناوي يتقدم لها

طارت البنت من الفرحه يوم درت انه بيتزوجها ..

بس قال لها : انا عندي مشكله ؟

قالت : شنهي ؟

قال : شلون اقول لا امي عنك ؟

خايف تسألني شلون عرفتها ومنهي بنته ؟ وقتها شلون اتصرف ؟ ..

قامت تفكر وتعصر مخها وقالت : مافيه الا اني اتعرف عليها شخصياً ألين اخليها تعجب فيني وهي بنفسها اللي تخطبني لك

قاموا يفكرون شلون تتعرف على امه ؟

طرى على بالها ان ابوها وامها بيحجون هذي السنه

قالت : وش رايك تودي امك للحج بنفس الحمله اللي بيروحون فيها اهلي وانا ابقنع اهلي ان يودوني معاهم ....؟

ومن يومها وهي تحن على اهلها ابي احج معكم .. أبي أروح .. مالي شغل .. أبي ..؟

قالوا لها : ماعندنا مانع والحج فريضه على كل مسلم وودنا انك تروحين وتقضين فرضك
انبسطت وقالت له ان اهلها بيودونها للحج معهم والدور عليه الحين عشان يخلي امه تروح للحج

واول ماوصلوا لمكه وهي تتشوف لها في السكن اللي هم ساكنين فيه وكل وقت وكل صلاه وهي جنبها وبالليل تساعدها بقراءه الدعاء... ولما جاء يوم عرفه راحت تجمع لها الحصى وتقول لها هذا الحصاه اكبر وتعور ابليس وتعطيها .. ولما راحوا يرجمون كانت معها بكل خطوه من خطواتها .. ولما جاء آخر يوم من ايام الحج وكانوا بيطوفون الوداع راحت تسلم عليها وتحضنها وتقول لها والله اني احبك زي امي واني ارتحتلك ياخاله وتهل من دموع التماسيح ..

وراحوا للمطار عشان يرجعون لديرتهم ..

ولما وصلوا استقبل الولد امه وابوه من المطار وقعد يسئلهم عن حجهم وعسى ماتعبتوا ومن هذا الكلام

وبعدها قال : يمه عسى ارتحتي بحجك ؟

قالت ياولدي والله انه احسن حج ذا السنه الله يخليك لنا

قال : عسى الناس اللي معك طيبين وارتحتي لهم ؟

قالت : والله ماعليهم خلاف .. ناس اجاويد

بس والله ماضيق صدري الا بنت كانت معنا نشبت بحلقي هناك
الله يعيين اللي بياخدها

هههههههههههههههههههههههههه
مسكين الرجال تحطم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
أمونه المزيونه
Admin


عدد الرسائل : 2063
العمر : 22
المزاج : رايقة
تاريخ التسجيل : 20/12/2007

مُساهمةموضوع: رد: من وين خذيت إيميلي   الخميس يناير 22, 2009 4:45 pm

ههههههههههههههههههههههههههه، الله يعين الي بياخدها صحيح
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://to-be-or-not-to-be.ahlamontada.com
همسة شفايف
عضو خيالي
عضو خيالي


عدد الرسائل : 2510
العمل/الترفيه : للاسف طالبه
المزاج : عن جد ملانه و مالي خلق شي :(
تاريخ التسجيل : 20/09/2008

مُساهمةموضوع: رد: من وين خذيت إيميلي   الإثنين يناير 26, 2009 1:23 pm

هههههههههههههههههههههههههههههههههههه

يسلمووو على المرور امون
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
من وين خذيت إيميلي
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
To Be Or Not To Be :: المنتديات الأدبية :: المنتديات الأدبية :: قصص و روايات-
انتقل الى: