To Be Or Not To Be

أكون أو لا أكون
 
الرئيسيةبحـثالتسجيلدخول

شاطر | 
 

 乂 اذا كآنت رجولتكم بكآسة ثـلج والخمـره .. انآ بشرب بدون الكآس وثلجه آلف قآروره 乂

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
همسة شفايف
عضو خيالي
عضو خيالي


عدد الرسائل : 2510
العمل/الترفيه : للاسف طالبه
المزاج : عن جد ملانه و مالي خلق شي :(
تاريخ التسجيل : 20/09/2008

مُساهمةموضوع: 乂 اذا كآنت رجولتكم بكآسة ثـلج والخمـره .. انآ بشرب بدون الكآس وثلجه آلف قآروره 乂   الخميس نوفمبر 13, 2008 9:43 pm

اليكم القصيده يـا جماهيـري وهـي خطـرهـ :: وخلوا هالرقابه تسجـن الشاعـر وجمهـورهـ

هدوءاً أيها الساده حضـور الحفـل والسهـرهـ :: مساء الخير عالصاحي واشوف الناس مخمورهـ

انا اسف على الازعاج ولكن طـارت السكـرهـ :: ذكرت اني قبل ساعات اصيل وعزوتي نـورهـ

على فكره....الكرفته عجـزت افكهـا عسـرهـ :: ابي واحـد ينزلهـا او أي وحـده ومشكـورهـ

وابي ثوبي.. جيبولي ثوبي الاشهب مع الغترهـ :: قبل والله لاطربقها علـى هالحفـل بحضـورهـ

ولا واحد يتكلـم قبـل مـا اخلـص النشـرهـ :: ومن يحكي قسم بالله لا ادوس برجلي حنجورهـ

تراها قفلـت يـا سـادة بـلادي ويـا ستـرهـ :: وهي ما دامها خربت باقـول الليلـه الثـورهـ

انا بحكي من اول يـوم جيـت لدنيتـن قـذرهـ :: وتكرم عـن قذارتهـا بيـوت الله ومعمـورهـ

انا مولود في ليلة شتاء مـع بردهـا مطـرهـ :: في خيمه وسط صحراء ما بها سستر ودكتورهـ

انا يا حضرة الساده غريب وضاع من صغـرهـ :: لعن جدي زمانـي بيـن مدهـوره ومهجـورهـ

حملت من الشقا ما لا يطاق وجايكـم بذكـرهـ :: ولاني عاجز اتحمل واموت بنفـس مقهـورهـ

وانا ادري يذبح الرجال كثر الصبر فـي قهـرهـ :: وعن قهر الرجال المصطفى حـذر ومذكـورهـ

وهم قالوا مفاتيح الفرج للحـي فـي صبـرهـ :: وانا اشوف الصبر مفتاح ضاع وزاد طابـورهـ

تعبت ألملم ايامـي بيديـن الهـم والحسـرهـ :: تعبت المع البرواز وامسـح غبـره الصـورهـ

تعبت ابوس كف الجوع وخشم الفقر طال عمرهـ :: تعبت اكذب على الحاجه واقول الحال ميسورهـ

تعبت احمس من القهوه واحط السمن والتمرهـ :: تعبت ودلتـي وحـده وكـل شـوي منثـورهـ

احسب العز بالدله وبيـت النـذل بـه عشـرهـ :: دلاله اكثـر الملعـون ومليانـه ومصطـورهـ

انا بحكم البداوه انـزرع فـي داخلـي بـذرهـ :: عن علوم المراجل الف بـذره فينـي مبـذورهـ

تربينا على الديـن ونطيـع الله مـع شكـرهـ :: تعلمنا نصلي ونحفـظ القـران وكـل سـورهـ

تعلمنا نحـب الضيـف وفينـا الكـرم فطـرهـ :: تعلمنـا نقـول الـصـدق لا لـفـه ولا دورهـ

تعلمنا نحلب النوق ونعرف وش هـي البكـرهـ :: تعلمنا الضمى وحنـا بايدنـا البيـر محفـورهـ

تعلمنـا وكثيـر الـي تعلمنـاه وش كـثـرهـ :: اخذنـا درس بالدنيـا بـلا دفتـر وسـبـورهـ

وانتم يا سكار الحفـل عفـوا ايهـا الزمـرهـ :: من هو فيكم عرف قهر الزمان وظلمـه وزورهـ

من هو فيكم وطاه الجوع وذله واصفقه فقـرهـ :: من هو فيكم عرف يحتاج للقمه ونشـف زورهـ

من هو فيكم من الضيقه حفر باصابعـه قبـرهـ :: من هو فيكم رقد ليله وسط اجسـاد مقبـورهـ

من هو فيكم مشى حافي برمضن كنه الجمـرهـ :: من هو فيكم سهر ليل الظلام بـدون اباجـورهـ

من هو فيكم ما طاح الفين مره وسلمت الجرهـ :: وانا من قبل اطيح وجرتي بيدينـي مكسـورهـ

لكم الماء والوجه الحسن والمـال والخضـرهـ :: ولنا حنا الضمى والجوع وفقر وشيفتن عـورهـ

ولا مره حظي ضحك بوجهـي واشكـره مـرهـ :: وغيري مبتسم حظه وكـل ايامـه مسـرورهـ

كتبت الشعر من صغري وبيوتي ما بها كسـرهـ :: وانتم تبرزون الـي كتـب بيتيـن مكسـورهـ

انا يا حضرة الساده فقيرن ما اغتنـى بشعـرهـ :: مدام المومس الي تشري الاشعـار مشهـورهـ

وانا يا حضرة الساده هنا الليله وعلـى فكـرهـ :: ترى هالبدله مسروقه ورجلي بجزمه محشورهـ

ولكن قلت ابحضر هالحفل والعمـر باختصـرهـ :: وابي ابدع معاكم وسط ليله انـس ومحـذورهـ

واذا كانت رجولتكـم بكاسـة ثلـج والخمـرهـ :: انا بشرب بدون الكاس وثلجه الـف قـارورهـ

ابويه قال لـي مـره دسـم شاربـك بالغبـرهـ :: ما يدري بالشنب محلوق وجابر فاقد شعـورهـ

انا بامشي مـدام الليـل ودع وابتـدى فجـرهـ :: باروح ارد هالبدله علـى هالمعـلاق مـزرورهـ

وانا ادري يا كلاب الحفل اني بالسجـن بكـرهـ :: مدام الليله جبت العيد بهذا الحفـل وحضـورهـ





××
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
أمونه المزيونه
Admin


عدد الرسائل : 2063
العمر : 22
المزاج : رايقة
تاريخ التسجيل : 20/12/2007

مُساهمةموضوع: رد: 乂 اذا كآنت رجولتكم بكآسة ثـلج والخمـره .. انآ بشرب بدون الكآس وثلجه آلف قآروره 乂   الخميس نوفمبر 13, 2008 11:33 pm

مشكووووورة عجبتني وااجد

زين سووا فيهم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://to-be-or-not-to-be.ahlamontada.com
همسة شفايف
عضو خيالي
عضو خيالي


عدد الرسائل : 2510
العمل/الترفيه : للاسف طالبه
المزاج : عن جد ملانه و مالي خلق شي :(
تاريخ التسجيل : 20/09/2008

مُساهمةموضوع: رد: 乂 اذا كآنت رجولتكم بكآسة ثـلج والخمـره .. انآ بشرب بدون الكآس وثلجه آلف قآروره 乂   السبت نوفمبر 15, 2008 1:19 am

ههههههههههههه
يسلمووو على مرور
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
乂 اذا كآنت رجولتكم بكآسة ثـلج والخمـره .. انآ بشرب بدون الكآس وثلجه آلف قآروره 乂
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
To Be Or Not To Be :: المنتديات الأدبية :: المنتديات الأدبية :: أمسيات شعرية :: الشعر النبطي-
انتقل الى: