كفاية كده

كفاية كده
عايشه بلا قلب ولسان
وعقلي بعته من زمان
والحق طالع صوت جبان
وشعري مكسور الميزان

وخالي من كل الحكم

المعنى تايه في الكلام
باكتب قوافي والسلام
ده رأي شعرائنا العظام
بطل كتابة باحترام

بطلت وكسرت القلم

الشعر عقد وليه نصوص
أول شروطه تكون عبوس
وقطع القافيه بموس
وإوزن بميزان الفلوس

ودوس غريمك بالجزم

وإياك ياصاحبي تمد إيدك
لأي شاعر بان جديد
وانقد بنقد من حديد
هتكون على الساحة الوحيد

وهتبقى شاعر محترم

أحلامي موتها الألم

ياللي في يوم قريت لي بيت
ندمان عليه....أديني جيت
أسفه كتير وبأقول ياريت
تنسى كأنك ماقريت

أشعاري يمحيها الندم