عطشانة اليتامة يا شاطي السلامة
نزلنا يمك ضيوف يا ريت أمواجك تشوف
عطشانة اليتامة يا شاطي السلامة
*************
أوّل ما وصل رحلي َنوَّغ ضعن ولياني
أول ما نزل عباس أخوية و نصب صيواني
على جرفك شِبحَت عيوني هِمِت و انخطفت ألواني
يا شاطي و ويا أمواجك اختلقت موجة احزاني
صديت الكفيلي و تصدع دليلي
هِمِت بالمحنة و الخوف يا ريت امواجك تشوف
**************
سريعة مرَّت الساعات سرعة ومضة البتار
لمَّن صبَّح العاشر دليلي ركَّز الأظفار
صُحاري الحزن و التفكير خذتني وحشة الأفكار
شِفِت حاطت عساكر بيك رماح مشرِّعة و أشفار
من شفت العساكر حسيت بمخاطر
أيادي مجردة سيوف يا ريت أمواجك تشوف
***************
بدت فجرية العاشر تراوي لي صور همي
بدت تتوارد الرميات و اوتار الأجل ترمي
بدت تتكور الأجساد بكل مصرع جسم مدمي
بدت أطفالي كل لحظة أعاين لن طفل يمي
ولياني ضحايا و أطفالي ظمايا
على مايك حاطت صفوف يا ريت أمواجك تشوف
***************
انتهت كل أهلي بس عباس ظل منهم و اخوية حسين
عليل و خِدَّر و أطفال يتواثب عليها البين
عطاشى شح عليها الماي غدت ترشف نمير العين
هي تعاين على الجود و آنة على الجفين
كل واحد جمرته مرسومة بنظرته
دمع لوعتها مذروف يا ريت أمواجك تشوف
القمر من شاهد الحالة غضب و احترق بيه الزود
ثلاثة وياه و اتعناك سيفه و رايته و الجود
قصد لك كافل عيالي يا ريتك ما جنت مقصود
يا شاطي و القلب اخبرني القمر ما يرد لينا ردود
مهمومة و نطرته و اشقد انتظرته
تانيته و وجهي مخطوف يا ريت أمواجك تشوف
****************
القمر بينك و بينه فرق ما من شبه وياه
هو يريد منك الماي و انت تريد سيل دماه
اليتامى ناطرة و الموت يمك يا نهر تيناه
جنت شاطي السلامة و حيف صرت شاطي الحزن و الآه
جيتك بالفجيعة شفت على الشريعة
كفيلي و راية و جفوف يا ريت عيونك تشوف