يابن الحلال إن طعتني خل الاسراف
واترك جمال الغيد لاهل البصيره
الزين موبس الملامح والاوصاف
الزين روح وعفه وطيب سيره
مانيب من يهوى"سريا وإنصاف"
أنا هواي وبس بنت الجزيره
بنت الخليج اللي تماري بالأعراف
وحنا نماري باسمها كل ديره
مالي غرام بقول وخا وبالزاف
إذبحني عندالطرحه المستديره
أحب قولة ياهلا وعل ماخلاف
من بنت ثوبي بنت الأرض النضيره
اللي تحلاها الظبي حلو الاطراف
جمال في عفه ورقه وغيره
واللي بهاسحر مهو سحر عراف
ياعل عين ماتراهاضريره
عطف وحنان وذوق في لين الاعطاف
والى كشف لثامها شفت اميره
صعبه على اللي بالردى شاف ماعاف
وحلوه على اللي سنه الله ضميره
شمس الى من اشرقت والدجا طاف
غابت نجومك غصب لو هي كثيره
السيف مايزهى سوى كف سياف
والخيل دون حصانها مستخيره
بس أنت دور لك على قدك لحاف
وإن طعتني دور بدلنا عشيره....
موضوع: وخـــا وبالــزاف..!!! 
الإثنين ديسمبر 01, 2008 4:21 am
